صحيفة روافد العربية ننقل الحدث كما حدث
مقالات مشابهة
بقلم: عبدالعزيز عطيه العنزي
كبرت بعينك بعد رحتِ…تأخرتِ
نسيتِ ضحكتي ودمعي بترحالك.
توك تجين بعد مدة وتسألي عن أحوالي.
كبيرة الدنيا تفرق وأنا كم شفت كما شفتِ.
سألتِ مرة ليه غبتِ.
وتركتيني مع الريح بكل قسوة على حالي وبلحالي .
تركتِ دمعتي تكبر على عيني .
تركتِ قلبي المجروح على جرحه وغطيتيه برمالِ.
بعد ماكبرت وصار اسمي علا في الكون جيتني.
رميتِ كل غلا أول
و تقولي عسى قلبك يسامحني .
خلقنا الله لحم ودم.
نحسّ ونبكي بحرقة ونتعذب ونتألم .
لك الله يامبكية عيني أقول إني مانسيتك.
غلاك راح وودك راح لكن جروحها فيني.
كنت بجيك وقول شوفي طعونك معلّمة بصدري.
كيف كانت ولا زالت تدميني.
والحين خليها تزيد أكثر كمان أكثر.
مادام عرفتِ طريق العذر تجي عندي وترضيني .
اه ياني كثر حبك كرهتك ومن قلبي وانا صادق .
لأنك مارحمتِ انكساراتي ولا شوقي وآهاتي.
شهر شهرين ثلاث سنين ومرت كلها سنيني .
وأنا في غربتي وحدي مع الغربة تواسيني.
أبكي وحدتي
أبكي حبي
أبكي على نفسي
أبكي وأبكي على لحظة وليت الدمع يكفيني .
جرحتيني ولا أحتاج تداويني.
