حكاية صبر وأمل

الشاعرة / هند أحمد

أنا يتيمة والقدر كتب لي مشاوير
ما هيب سهلة والليالي شقيّه

مجهولة النسب لكن بقلبي بشاير
ورحمة إله الكون دايم قويّه

ما هزّني جور الزمن والمقادير
ولا انحنيت لظروف وقتٍ عصيّه

أرفع يديني للخالق المدبّر الخير
وأقول يا ربّي عطاياك سخيّه

يا رب تكشف لي خفايا المقادير
وأعرف أنا من وين وأصلي وهيّه

وألقى جوابٍ للسنين المعاسير
اللي سكنت في خاطري من هنيّه

مالي سوى الله في رجاي وتدابير
ومن يتوكل عليه ما يخيب ظنّيه

واليوم أصبر وباكر الخير تيسير
وأحلام عمري في عيوني نديّه

وبإذن ربي أبلغ أعلى المناصب
وأصير قدرٍ بين ربعي عليّه

ما هو نسب الإنسان يرفع مقادير
إن ما رفع نفسه بأفعال رضيّه

والعز بيد الله يهبّه بتقدير
لعبادٍ صدقوا النوايا الخفيّه

وأنا رجاي بربّنا دايمٍ كبير
واللي عند الله ما يضيع شويّه

ابنة جمعية كيان للأيتام
ذوي الظروف الخاصة