إهداء إلي غاليتي

خواطر د لبنى شتا
يوم ما اموت عيطي وطبطبي علي جثتي .
وضميني ضمة أخيرة و ادعيلي بالستر في وحدتي
و اعرفي انت الوحيدة اللي ليه في دنيتي
و طول عمرك نور عنية وروح قلبي وصحبتي
رغم السنين رغم الألم رغم الناس الغدارين
لسه قلبي مليان حنين شيلاه معايا لتربتي
و شوية ذكر  صغيرين يونسوني في وحدتي
ابكى يا غالية وحسسيني بالحنان
عشت وحيدة و قلبي خالي من الأمان.
كل البكا و كل الدموع هتكون حواليك
و بعد فترة هتشوفيهم نسوا اسمي نسوا رسمي
و هتشوفي الضحكة في عنيهم.
ادخلي معايا و غسليني
عايزة احسك يوم ما اموت عيطي
وطبطبي علي جثتي وضميني ضمه أخيرة
و ادعيلي بالستر في وحدتي
و اعرفي انت الوحيده اللي ليه
و طول عمرك ضي عنية
رغم السنين رغم الألم رغم الناس الغدارين
لسه قلبي مليان حنين شيلاه معايا لتربتي